Saturday, June 4, 2011

Kuchh Na Kisii Se Bolainge.............

khvab marte nahin
khvab dil hain na ankhen na sansen k jo
reza-reza hue to bikhar jayenge
jism ki maut se ye bhi mar jayenge

khvab marte nahin
khvab to raushani hain, nava hain, hava hain
jo kale paharon se rukte nahin
zulm k dozakhon se bhi phukate nahin
raushani aur nava aur hava k alam
maqtalon main pahunch kar bhi jhukate nahin

khvab to harf hain
khvab to nur hain
khvab to suqrat hain
khvab mansur hain

No comments:

Post a Comment