Juz Tere Koi Bhi Din Rat Na Jane Mere

juz tere koi bhi din rat na jane mere
tu kahan hai magar ai dost purane mere

tu bhi khushbu hai magar mera tajassus bekar
barq-e-avara ki manind thikhane mere

shama ki lau thi ke wo tu tha magar hijr ki rat
der tak rota raha koi sirhane mere

khalq ki bekhabari hai ke meri rusavai
log mujh ko hi sunate hain fasane mere

lut ke bhi khush hon ke ashkon se bhara hai daman
dekh garatgare dil ye bhi khazane mere

aj ik aur baras bit gaya us ke bagair
jis ke hote hue hote the zamane mere

kash tu bhi meri avaz sunata ho
phir pukare hai tujhe dil ki sada ne mere

kash tu bhi kabhi ajaye masihai ko
log ate hain bahut dil ko dukhane mere

kash auron ki tarah main bhi kah sakata
bat sun li hai meri aj khuda ne mere

tu hai kis hal main ai zudfaramosh mere
mujh ko to chin liya ahad-e-vafa ne mere

charagar yon to bahut hain magar ai jan-e-'Faraz'
juz tere aur koi gam na jane mere